Uppgjör fyrsta ársfjórðungs 2023

Festi birtir uppgjör sitt fyrir 1. ársfjórðung 2023 eftir lokun markaða miðvikudaginn 3. maí næstkomandi.

Afkomufundur fyrir markaðsaðila verður haldinn fimmtudaginn 4. maí 2023 kl. 8:30 í höfuðstöðvum félagsins að Dalvegi 10 – 14 í Kópavogi. Á fundinum munu Ásta S. Fjeldsted, forstjóri Festi, og Magnús Kr. Ingason, fjármálastjóri Festi, kynna afkomu samstæðunnar á fyrsta ársfjórðungi og svara spurningum.

Fundinum verður einnig streymt beint í spilaranum hér að neðan. Þátttakendur sem fylgjast með rafrænt geta spurt spurninga á meðan á fundi stendur með því að senda tölvupóst á netfangið fjarfestatengsl@festi.is. Spurningum verður svarað að kynningu lokinni.